बेळगाव—belgavkar : कणगला (ता. हुक्केरी) येथील निवृत्त शिक्षिकेच्या घरात चोरी झाल्याची घटना सोमवारी उघडकीस आली. आशा बंडोपंत मोहिते यांच्या घरी ही चोरी झाली असून अंदाजे ₹ 5 लाखांचा ऐवज चोरीला गेला आहे. याबाबत मिळालेली माहिती अशी, आशा मोहिते यांच्या घराला कुलूप होते.
रविवारी रात्री चोरट्यांनी बंद घराचा कडी-कोयंडा तोडून घरामध्ये प्रवेश केला. तिजोरी व इतर खोलीतील साहित्य विस्कटून मौल्यवान वस्तूंचा शोध घेतला. यामध्ये त्यांच्या हाती सुमारे पाच लाखांचा ऐवज हाती लागला आहे. तिजोरीच्या लॉकरमधील 70 ग्रॅम (7 तोळे) सोन्याचे दागिने व रोख 1 लाख 20 हजार रूपये चोरट्यांच्या हाती लागले असून त्यांनी हाऐवज घेऊन पोबारा केला.
चोरट्यांनी या घरात चोरी करताना आजूबाजूच्या लोकांच्या घरांना बाहेरून कडी लावली होती. त्यामुळे या चोरीच्या प्रकरणातील चोरटे सराईत असण्याची शक्यता आहे. रात्री उशिरा ही चोरी झाली असून सकाळी काही घरांच्या दरवाजांना बाहेरून कडी असल्याने गावामध्ये खळबळ उडाली.
त्यानंतर मोहिते यांच्या घरामध्ये चोरी झाल्याचे उघडकीस आले. याची माहिती मिळताच संकेश्वर ठाण्याचे पोलिस घटनास्थळी दाखल झाले. पोलिस निरीक्षक शिवशरण आवजी व सहकाऱ्यांनी भेट देऊन पंचनामा केला. बेळगावहून श्वान पथक व ठसे तज्ज्ञांना बोलावून चोरांचा माग काढण्याचा प्रयत्न करण्यात आला.
Belgaum Kanagala Teacher House Robbery belgav belagavi belgavkar explore digital india
Belgaum Kanagala Teacher House Robbery
Belgaum Kanagala Teacher House Robbery
belgavkar news | digital india
explore digital india | belgaum news
belgaum news
belgavkar advertisement | बेळगावकर जाहिरात
📲 Business Advertisement 📣
- WhatsApp Group : 100 (75k members)
- WhatsApp Channel : 1k followers
- Facebook : 33k followers
- Telegram : 1k subscribers
Call / WhatsApp : 918073540138, 918892211310
Classified Ads : job recruitment / business / property / notice / personal / education / announcements