बेळगाव : भाजप महानगर अध्यक्षपदी गीता सुतार

बेळगाव ग्रामीणच्या अध्यक्षपदी…

बेळगाव—belgavkar : बेळगाव भाजप महानगर अध्यक्षपदी गीता सुतार यांची निवड करण्यात आली आहे. भाजप राज्याध्यक्ष बी. वाय. विजयेंद्र यांनी याबाबतची माहिती प्रसिध्दी पत्रकान्वये कळविली आहे. माजी आमदार अँड. बेनके यांच्याकडे बेळगाव महानगराध्यक्षपद होते. अलीकडे त्यांना बढती देऊन राज्य कार्यकारिणीची जबाबदारी सोपविली आहे. त्यामुळे बेळगाव महानगर अध्यक्षपदी रिक्त जागेवर गीता सुतार यांची निवड घोषित करण्यात आली आहे. भाजपच्या निष्ठावंत कार्यकर्त्या अशी त्यांची ओळख असून, १७ वर्षे त्यांनी बेळगाव दक्षिण विधानसभा मतदारसंघ अध्यक्ष म्हणून जबाबदारी सांभाळली आहे. त्याची दखल घेऊन पक्षाने महानगर अध्यक्ष म्हणून बढती दिली आहे.

राज्य भाजपने जिल्हा शाखांसाठी नवीन अध्यक्षांची नियुक्ती केली आहे. प्रदेशाध्यक्ष बी. वाय. विजयेंद्र यांनी ३९ संघटनात्मक जिल्ह्यांसाठी अध्यक्षांच्या नियुक्तीचा आदेश जारी केला आहे. बेळगाव शहर अध्यक्षपदी गीता सुतार, बेळगाव ग्रामीणच्या अध्यक्षपदी सुभाष पाटील, तर चिक्कोडीच्या अध्यक्षपदी सतीश अप्पाजीगोळ यांची नियुक्ती करण्यात आल्याचे पक्षाच्या प्रसिद्धीपत्रकात म्हटले आहे.

रायचूर शहराचे आमदार डॉ. शिवराज पाटील आणि जयनगरचे आमदार सी. के. राममूर्ती यांचीही जिल्हाध्यक्षपदी नियुक्ती करण्यात आली आहे. प्रदेश समन्वयक म्हणून एस. दत्तात्री यांची नियुक्ती करण्यात आली आहे. राज्य कार्यालय सचिव म्हणून लोकेश अंबेकल्लू यांची आणि सहसचिव म्हणून बी. एच. विश्वनाथ यांची नियुक्ती केली आहे. माजी आमदार एल. नागेंद्र, सी. एस. निरंजनकुमार आणि अरुणकुमार पुजार यांनाही जिल्हाध्यक्षपद देण्यात आले आहे.

नूतन जिल्हाध्यक्ष असे

म्हैसूर शहर — एल. नागेंद्र
म्हैसूर ग्रामीण — एल.आर. महादेवस्वामी
चामराजनगर — सी. एस. निरंजनकुमार
मंड्या — इंद्रेश कुमार
हावेरी — अरुणकुमार पुजार
धारवाड ग्रामीण — निंगप्पा सुतगट्टी
बागलकोट — शांतगौडा पाटील
विजापूर — आर. एस. पाटील
बिदर — सोमनाथ पाटील
दावणगिरी — राजशेखर
तुमकूर — एच. एस. रविशंकर (हेब्बाक)
बंगळूर ग्रामीण — रामकृष्णप्पा
चिक्कबळ्ळापूर — रामलिंगप्पा
कोलार — डॉ. के. एन. वेणुगोपाल
बंगळूर उत्तर — एस. हरीश
बंगळूर मध्य — सप्तगिरीगौडा
बंगळूर दक्षिण — के. सी. राममूर्ती
रामनगर — आनंदस्वामी
मधुगिरी — बी. सी. हनुमंतेगौडा
चित्रदुर्ग — ए. मुरळी

विजयनगर — चन्नबसवनगौडा पाटील
बळ्ळारी — अनिलकुमार मोका
रायचूर — डॉ. शिवराज पाटील
कोप्पळ — नवीन गुळगन्नावर
यादगिरी — अमीन रेड्डी
गुलबर्गा ग्रामीण — शिवराज पाटील रद्देवारी
गुलबर्गा शहर — चंद्रकांत पाटील
गदग — राजू कुरडगी
हुबळी — धारवाड — तिप्पण मजगी
उत्तर कन्नड — एन. एस. हेगडे
शिमोगा — टी. डी. मेघराज
चिक्कमंगळूर — देवराज शेट्टी
उडुपी — किशोर कुंदापूर
दक्षिण कन्नड — सतीश कुंपल
कोडगू — रवी काळप्पा
हासन — सिद्धेश नागेंद्र

Belgaum Geeta Sutar as BJP Mahanagar President belgav belagavi belgavkar

Belgaum Geeta Sutar as BJP Mahanagar President