बेळगाव शहरात मोफत अंत्यसंस्कार योजना

₹ 60 लाख रुपयांची तरतूद करण्याबाबतचा सुधारित प्रस्ताव

बेळगाव—belgavkar : बेळगाव शहरातील मोफत अंत्यसंस्कार योजना पुन्हा सुरू करण्यात येणार आहे. यासाठी महापालिकेच्या आरोग्य विभागाने ₹ 60 लाख रुपयांची तरतूद करण्याबाबतचा सुधारित प्रस्ताव लेखा विभागाकडे पाठविला आहे. गोवऱ्यांवरील मोफत अंत्यसंस्कार योजना सुरू झाल्यानंतर निविदाही काढली जाणार आहे. ही योजना दोनच स्मशानभूमींमध्ये राबविली जाणार की अन्य स्मशानभूमींमध्येही राबविली जाणार? हे मात्र अद्याप निश्चित झालेले नाही.

2023 मध्ये महापालिकेकडून शहरातील सदाशिवनगर व शहापूर या 2 स्मशानभूमींमध्ये गोवऱ्यांच्या सहाय्याने मोफत अंत्यसंस्कार योजना सुरू केली होती. महापालिकेच्या आरोग्य विभागाच्या मते 2023-24 या आर्थिक वर्षात या योजनेसाठी 5 लाख रुपयांचा निधी राखीव ठेवला होता. अंदाजपत्रकातही पाच लाख रुपयांचीच तरतूद केली होती. त्याआधी म्हणजे 2022-23 या आर्थिक वर्षात या योजनेसाठी 50 लाख रुपयांचा निधी राखीव ठेवला होता. ही योजना चांगली असली तरी काही महिन्यातच ती बंद पडली. सहा महिन्यांपासून दोन्ही स्मशानभूमींमध्ये गोवऱ्यांच्या सहाय्याने एकाही मृतदेहावर मोफत अंत्यसंस्कार झाले नसल्याची माहिती महापालिकेतूनच दिली होती. पुढील आर्थिक वर्षात तरी ही योजना सुरू होणार का? या योजनेसाठी आर्थिक तरतूद केली जाणार का? याबाबत उत्सुकता होती.

पण, आरोग्य विभागाकडून तसा प्रस्ताव आलेली नाही, अशी माहिती लेखा विभागातून मिळाली होती. पण, आता आरोग्य विभागाकडून अंदाजपत्रकासाठी जो सुधारित प्रस्ताव दिला आहे, त्यात मात्र या योजनेसाठी 60 लाख रुपयांची तरतूद केली जावी, अशी मागणी केली आहे. सदाशिवनगर स्मशानभूमीत अंत्यसंस्कारासाठी गोवऱ्यांचा वापर करण्याची योजना एका सेवाभावी संस्थेकडून खूप वर्षांपूर्वी सुरू केली होती. त्यावेळी गोवऱ्यांसाठी माफक रक्कम आकारली जात होती. पण, गोवऱ्यांच्या तुटवड्यांमुळे ती योजना बंद पडली होती. पण, ही बंद पडलेली योजना पुन्हा सुरू करणे, गोवऱ्यांच्या सहाय्याने मोफत अंत्यसंस्कार करणे अशी योजना महापालिकेकडून हाती घेण्यात आली.

Belgaum free funeral using cow dungs belgav belagavi belgavkar explore digital india

Belgaum free funeral using cow dungs
Belgaum free funeral using cow dungs

Belgaum free funeral using cow dungs