बेळगाव : तोतया पत्रकारावर मार्केट पोलिस ठाण्यात गुन्हा

बेळगाव—belgavkar : एका चॅनेलचा पत्रकार असल्याचे सांगत फिरणाऱ्या सांगली जिल्ह्यातील तोतया पत्रकारावर येथील मार्केट पोलिस ठाण्यात गुन्हा दाखल झाला. रमजान सुभान मुजावर (वय 40, रा. संख, ता. जत, सांगली) असे संशयिताचे नाव आहे.

याबाबत पोलिसांकडून मिळालेली अधिक माहिती अशी, रमजान हा मंगळवारी बेळगावात आला होता. राणी चन्नम्मा सर्कलजवळील कनड साहित्य भवनाजवळ एक कार्यक्रम सुरु असताना तो आपली कार घेऊन आला. त्याच्या कारवर मोठ्या अक्षरात एका चॅनेलचा लोगो व त्याखाली एमडी असे लिहिले होते.

त्याच चॅनेलच्या स्थानिक पत्रकाराने त्याला याबाबत विचारणा केली. यावेळी रमजानने मी चॅनेलचा पत्रकार असल्याचे सांगितले. त्याच्याकडे ओळखपत्र व नियुक्तीपत्राची मागणी केली. ते दोन्ही तपासून पाहिले असता बनावट असल्याचे आढळून आले. तो तोतया असल्याचे लक्षात आल्यानंतर त्याच्याविरोधात मार्केट पोलिसांत गुन्हा दाखल झाला. त्याची कार जप्त करुन गुन्हा दाखल केला आहे. रात्री उशिरापर्यंत अन्य कायदेशीर कार्यवाही सुरु होती.

Belgaum Fake Reporter Channamma Circle Tv9 belgav belagavi belgavkar explore digital india

Belgaum Fake Reporter Channamma Circle Tv9

Belgaum Fake Reporter Channamma Circle Tv9