बेळगाव : क्लब रोडवरील घराचे कुलूप तोडून चोरी

बेळगाव—belgavkar : क्लब रोडवरील बंद घराचे कुलूप तोडून सव्वा लाखांचे दागिने चोरट्यांनी लांबविल्याची घटना उघडकीस आली. मुकेश पोरवाल यांच्या मालकीचे क्लब रोडला घर आहे. घराचे कुलूप तोडून चोरट्यांनी चांदीचे दागिने आणि किमती ऐवज पळविला आहे. पोलिसांनी सांगितले, पोरवाल 1 जानेवारीला सहकुटुंब परगावी गेले. तेथून 8 जानेवारीला परतल्यानंतर त्यांना मुख्य दरवाजाचा कुलूप तोडण्यात आल्याचे आणि तिजोरी फोडल्याचे दिसून आले. तसेच कपाट फोडून त्यामधीलही साहित्य विस्कटल्याचे आढळून आले.

तिजोरीतील दागिन्यांची पडताळणी केली. तेव्हा तिजोरीतील दागिनेही चोरल्याचे स्पष्ट झाले. यात केवळ चांदीचे दागिने व किमती साहित्य होते. त्याची सध्याच्या बाजारभावानुसार सुमारे 1 लाख 19 हजार रुपये किंमत आहे. कॅम्प पोलिसांनी घटनास्थळीधाव घेऊन पंचनामा केला. त्यानंतर ठसे तज्ज्ञ, श्वानपथकाला पाचारण केले. यानंतर पोरवाल यांचा जबाब नोंदवून पोलिसांनी गुन्हा दाखल केला आहे.

दरम्यान, क्लब रोडला घरफोडी नेमकी कधी घडली आहे, याची माहिती नाही. मात्र, 1 ते 8 जानेवारीदरम्यान चोरट्यांनी डल्ला मारला आहे. घराच्या मुख्य दरवाजाचे कुलूप तोडून आत घुसले. साहित्य लांबविले आहे, अशी माहिती कॅम्प पोलिस ठाण्याचे पोलिस निरीक्षकांनी दिली.

बेळगावला वाढत्या चोऱ्या रोखण्यासाठी जागृती कार्यक्रम आयोजिले जात आहेत. भित्तीपत्रक वाटप करण्यात येत आहे. यात चोरट्यांकडून बंद घरांना लक्ष्य सुरू आहे. यासाठी परगावी जाताना त्या त्या भागातील पोलिसांना याची माहिती द्यावी. गस्तबाबत विनंती करण्यात यावी. तसेच किमती दागिने वा पैसे घरी न ठेवता बँकेत लॉकरमध्ये ठेवण्यात यावे, असे आवाहन सुरू आहे.

Belgaum Club Road House Robbery belgavkar Belgaum belgav belagavi belgaum

Belgaum Club Road House Robbery