बेळगाव शहरात पताका व भगवे ध्वज काढण्याला विरोध

अयोध्या येथील श्रीराम मंदिर प्राणप्रतिष्ठापना

बेळगाव—belgavkar : अयोध्या येथील श्रीराम मंदिराच्या प्राणप्रतिष्ठापना सोहळ्याच्या निमित्ताने संपूर्ण बेळगाव शहरात पताका व ध्वज लावण्यात आले आहेत. 23 तारखेनंतर पोलिसांकडून शहरातील काही भागांत मध्यरात्री पताका हटविण्याची मोहीम राबविण्यात आली. पण, ती मोहीम शंभर टक्के यशस्वी करण्यात पोलिस विभाग कमी पडला. कार्यक्रम होऊन एक आठवड्याचा कालावधी लोटल्याने महापालिकेने या कार्यक्रमाशी संबंधित फलक, पताका व ध्वज हटविण्याचा निर्णय घेतलायं.

बेळगाव महानगरपालिकेच्या पताका हटविण्याच्या मोहिमेला विरोध झाला. सोमवारी महापालिकेकडून शहरातील पताका हटविण्याची मोहीम सुरू केली; पण कामत गल्लीत या मोहिमेला विरोध झाला. कारवाईसाठी महापालिकेच्या महसूल व अतिक्रमण निर्मूलन विभागाचे कर्मचारी कामत गल्लीत गेले होते. त्यांनी पताका हटविण्यास सुरुवात करताच तेथील रहिवाशांनी विरोधाची भूमिका घेतली. त्यावर महापालिकेच्या कर्मचाऱ्यांनी मार्केट पोलिस ठाण्याला याची माहिती दिली. मात्र, कोणत्याही स्थितीत महापालिका कर्मचाऱ्यांना पताका काढू देणार नाही, अशी भूमिका गल्लीतील रहिवाशांनी घेतली. रहिवाशांकडून स्वतःहून पताका हटविल्या जातील, असेही सांगण्यात आले. त्यामुळे मग महापालिका कर्मचारी व पोलिस यांची गोची झाली.

विरोध असूनही कारवाई झाली तर तणाव निर्माण होण्याची शक्यता गृहीत धरून महापालिकेच्या कर्मचाऱ्यांनी तेथून निघून जाण्याचा निर्णय घेतला. पुढे अन्य ठिकाणच्या पताका मात्र महापालिकेकडून हटविल्या. यावेळी महापालिकेच्या सहाय्यक महसूल अधिकारी अनुराधा तापशी तेथे उपस्थित होत्या. त्यांनीही वरिष्ठ अधिकाऱ्यांना याबाबतची माहिती दिली.

Belgaum Ayodhya Ram Mandir Flag Removed belgav belagavi belgavkar explore digital india
belgavkar news | digital india
explore digital india | belgaum news

Belgaum Ayodhya Ram Mandir Flag Removed