बेळगाव : दादबानट्टीजवळ अपघातात 2 जणांचा मृत्यू

बेळगाव—belgavkar : पुणे-बंगळूर राष्ट्रीय महामार्गावर (NH4) दादबानट्टीजवळ (ता. हुक्केरी) दुचाकीला मागून येणाऱ्या मोटारीने दिलेल्या धडकेमध्ये गंभीर जखमी दोघांचा बुधवारी मृत्यू झाला. गदगय्या मल्लय्या हिरेमठ (वय 45), बाळाप्पा मारुती हुगेर (वय 46, दोघे रा. अरभावी, ता. गोकाक) असे त्यांचे नाव आहे.

पोलिसांनी सांगितले, पुणे-बंगळूर राष्ट्रीय महामार्गावर दादबानट्टीजवळ दुचाकी व मोटार वाहनाचा अपघात झाला. त्यात दुचाकीवरील दोघांपैकी एकाचा जागीच मृत्यू झाला. दुसऱ्याला वैद्यकीय उपचारासाठी घेऊन जात असताना वाटेत मृत्यू झाला. दुचाकीस्वार यमकनमर्डीहून बेळगावला जात होते. मोटार वाहनही तेथून बेळगावच्या दिशेने जात असताना दादबानट्टीजवळ दुचाकीला धडक दिली.

अपघात भीषण होता. त्यामुळे वाटेत त्यांचा मृत्यू झाला. अपघाताची माहिती यमकनमर्डी पोलिसांना मिळाल्यानंतर घटनास्थळी पोलिस दाखल झाले. लागलीच दोन्ही जखमींना वैद्यकीय उपचारासाठी घेऊन जात असताना एकाचा घटनास्थळी मृत्यू झाला. दुसऱ्या एकाचा वाटेत मृत्यू झाला. यमकनमर्डी पोलिस ठाण्यात याची नोंद आहे.

Belgaum Accident NH4 two killed bike belgav belagavi belgavkar explore digital india

Belgaum Accident NH4 two killed bike