बेळगाव—belgavkar : 9 कोटींच्या शिल्लक निधी विनियोगावरून महापालिकेत नवा वाद निर्माण झाला आहे. या वादाचा परिणाम नगरसेवकांच्या वॉर्ड बजेटमधील विकासकामांवर होण्याची शक्यता व्यक्त केली जात आहे. ₹ 9 कोटींचा निधी हा उत्तर विधानसभा मतदारसंघातील आहे, त्यामुळे त्या निधीचे विभाजन उत्तर मतदारसंघातील प्रभागांत व्हावे, अशी विरोधी नगरसेवकांची मागणी आहे.
पण या 9 कोटींचे विभाजन पालिकेच्या बांधकाम विभागाने आधीच 58 प्रभागांत केले आहे. वॉर्ड बजेट स्वरूपात तो निधी नगरसेवकांना दिला आहे. त्या निधीचा विनियोग केवळ उत्तर मतदारसंघात करण्यास सत्ताधारी गटाचा विरोध आहे. या वादाचे पडसाद पुढील सर्वसाधारण बैठकीत उमटण्याची शक्यता आहे. या निधीचा विनियोग सर्व 58 प्रभागांत झाला, त्यातील विकासकामांचा ठेका देण्यासाठी निविदा निघाली तर विरोधी गटाकडून आक्षेप घेतला जाणार आहे. 58 ऐवजी केवळ उत्तर मतदारसंघातील प्रभागांत निधी विनियोग झाला तर सत्ताधारी गटाकडून आक्षेप घेतला जाणार आहे. त्यामुळे पालिकेचा बांधकाम विभाग अडचणीत आला आहे.
2019 ला राज्यात भारतीय जनता पक्षाची सत्ता आल्यावर तत्कालीन मुख्यमंत्री बी. एस. येडीयुराप्पा यांनी महात्मा गांधी नगरविकास योजनेतून बेळगाव शहरासाठी 125 कोटी रुपये निधी मंजूर केला होता. त्या निधीचा विनियोग 5 वर्षांत केला. त्यातील 20 कोटी निधी शिल्लक होता. त्यातील 10 कोटी रुपये निधी बेळगाव दक्षिण मतदारसंघासाठी दिला, तर उर्वरित 10 कोटी निधी उत्तर मतदारसंघासाठी राखीव ठेवला होता. अनिल बेनके बेळगाव उत्तरचे आमदार असताना या निधीचा विनियोग झाला आहे. त्यामुळे आता त्या निधीचा विनियोग केला जात आहे. पण तो निधी उत्तर मतदारसंघासाठी खर्च न करता सर्व 58 प्रभागांसाठी केला जात आहे.
महापालिकेच्या सर्वसाधारण बैठकीत विरोधी गटाच्या नगरसेवकांकडून याबाबत प्रश्न विचारला होता, पण त्यावर बांधकाम विभागाकडून नेमके स्पष्टीकरण दिले नव्हते. पण विरोधी गटाला व उत्तर विभागातील नगरसेवकांना याची नेमकी माहिती मिळाल्यावर त्यांनी निधी विनियोगाला आक्षेप घेतला. बांधकाम स्थायी समितीच्या बैठकीतही याच विषयावरून वाद झाला. हाच 9 कोटी निधी वॉर्ड बजेट स्वरूपात नगरसेवकांना दिला आहे.
Belgaum ₹ 9 crore budget ward ccb belgav belagavi belgavkar
Belgaum ₹ 9 crore budget ward ccb
belgavkar news
belgaum news
Belgaum ₹ 9 crore budget ward ccb
belgavkar news | digital india
explore digital india | belgaum news
belgaum news
belgavkar advertisement | बेळगावकर जाहिरात
📲 Business Advertisement 📣
- WhatsApp Group : 100 (75k members)
- WhatsApp Channel : 1k followers
- Facebook : 33k followers
- Telegram : 1k subscribers
Call / WhatsApp : 918073540138, 918892211310
Classified Ads : job recruitment / business / property / notice / personal / education / announcements