Video : आऊट की नॉट आऊट? अंपायरचा उडाला गोंधळ

Viral Video : ऑस्ट्रेलिया आणि दक्षिण आफ्रिका महिला क्रिकेट (match between Australia Women and South Africa Women) यांच्यात 3 सामन्यांच्या एकदिवसीय मालिकेतील दुसरा सामना ऐतिहासिक सिडनी क्रिकेट ग्राऊंडवर खेळला जात आहे. या सामन्यात पावसामुळे व्यत्यय आल्याने 5 षटकांची कपात करण्यात आली. त्यामुळे हा सामना 45-45 षटकांचा झाला. या सामन्यात प्रथम फलंदाजी करताना आफ्रिकन संघाने 45 षटकांत 229 धावा केल्या. सामन्यादरम्यान एक मजेदार घटना घडली. सामन्यात अंपायरिंग करणाऱ्या मैदानावरील अंपायरने नॉट आऊट ऐवजी आऊट देतानाचा व्हिडीओ व्हायरल झाला (AUS-W vs SA-W : On-Field Umpire Raises Finger Despite 3rd Umpire’s Not Out Confirmation, Video Goes Viral).

वास्तविक, ही संपूर्ण घटना दक्षिण आफ्रिकेच्या डावाच्या 24व्या षटकात घडली. ऑस्ट्रेलियासाठी ॲश्ले गार्डनर हे षटक टाकत होती. या षटकातील पाचवा चेंडू आफ्रिकेची फलंदाज सन लुसच्या पॅडला लागला. ज्यावर ऑस्ट्रेलियन संघाने मोठी अपील केली. मात्र, मैदानावरील पंचांनी तिला नॉट आऊट घोषित केले. त्यानंतर ऑस्ट्रेलियन कर्णधार ॲलिसा हिलीने डीआरएस घेण्याचा निर्णय घेतला. डीआरएसमध्ये, थर्ड अंपायरला चेंडू स्टंप सोडून बाहेर जाताना दिसला. त्यामुळे स्क्रीनवर नॉट आऊटचे चिन्ह दिसले आणि मैदानावरील अंपायरला आपला निर्णय कायम ठेवण्यास सांगितले. त्यामुळे ऑस्ट्रेलियाने डीआरएस गमावला आहे.

When you get the call right … but the signal wrong! 🤣🤣#AUSvSA pic.twitter.com/wfZPD1Z761

— cricket.com.au (@cricketcomau) February 7, 2024

मात्र, मैदानावरील अंपायर गोंधळली आणि तिने चुकून आऊट बोट वर करुन आऊटचा इशारा दिला. मात्र, तिला लगेचच आपली चूक लक्षात आली आणि तिने डीआरएस गमावण्याचा इशारा दिला. अंपायरचा हा गोंधळ पाहून मैदानावर उपस्थित सर्व ऑस्ट्रेलियन खेळाडू हसू लागले.

या घटनेचा व्हिडीओ एक्स अकाउंटवरून शेअर झाला आहे. सोशल मीडियावर चाहत्यांची या व्हिडिओला खूप पसंती मिळत आहे. या व्हिडीओवर तो आपल्या मजेशीर प्रतिक्रिया देत आहे. या वनडे मालिकेतील पहिला सामना ऑस्ट्रेलियाने जिंकला होता.
Umpire Gives Out After Third Umpire Says Not Out
Umpire Gives Out After Third Umpire Says Not Out
Umpire Gives Out After Third Umpire Says Not Out

Umpire Gives Out After Third Umpire Says Not Out