चहाच्या प्रेमापोटी शिक्षण सोडले, ‘रजनी’ स्टाईल मिळाली प्रसिद्ध;

Who is Dolly Chaiwalla, the tea seller who made chai for Bill Gates

मायक्रोसॉफ्टचे सह-संस्थापक आणि प्रसिद्ध उद्योगपती बिल गेट्स हे सध्या भारतात आहेत. या भेटीदरम्यान बिल गेट्स वेगवेगळे अनुभव घेताना दिसत आहेत. नुकतेच त्यांनी सोशल मीडियावर एक व्हिडिओ पोस्ट केला आहे. हा व्हिडीओ पाहून अनेकांना आश्चर्यचा धक्का बसला आहे. या व्हिडिओमध्ये बिल गेट्स हे डॉली चायवाला या नावाने प्रसिद्ध असलेल्या महाराष्ट्रातील नागपूरच्या चहा विक्रेत्याच्या स्टॉलवर त्याने बनवलेल्या खास चहाचा आस्वाद घेत असल्याचे दिसत आहे. सोशल मीडियावर हा व्हिडिओ तुफान व्हायरल होत आहे. तसेच लोक हा व्हिडीओ पाहून आश्चर्य व्यक्त करत आहेत.

Bill Gates sips tea made by Dolly Chaiwalla

प्रत्येक भारतीयाला सकाळ-संध्याकाळी एक कप चहाची गरज असते, म्हणूनच चहा देशातील सर्वात आवडत्या पेयपैकी आहे. देशाच्या कानाकोपऱ्यात वेगवेगळ्या विविध प्रकारात चहा मिळेल. विशेष म्हणजे दरमहा पगाराची नोकरी सोडून अनेकांनी चहाच्या व्यसायातून प्रसिद्धी आणि पैसा दोन्ही कमावला आहे. जगातील आघाडीचे उद्योगपती आणि मायक्रोसॉफ्टचे संस्थापक बिल गेट्स यांनी स्वतः एका भारतीय विक्रेत्याचे कौतुक केले.

सध्या भारत दौऱ्यावर आलेल्या अमेरिकन व्यावसायिकाने Video पोस्ट करताच काही क्षणातच व्हायरल झाला. बिल गेट्स यांनी अलीकडेच एक व्हिडिओ शेअर केला आणि म्हटले की, ‘भारतात सर्वत्र नावीन्य आढळू शकते.’ अब्जाधीश उद्योगपती बिल गेट्स यांनी ज्या चहा विक्रेत्याचे कौतुक केले आहे तो चहा बनवण्याची खास शैली आणि चव या दोन्ही गोष्टींसाठी देशभरात प्रसिद्ध आहे. नागपुर-स्थित ही व्यक्ती संपूर्ण देशात डॉली चायवाला म्हणून ओळखली जाते. चला तुम्हाला या चहा विक्रेत्याचा संपूर्ण प्रवास…

View this post on Instagram

A post shared by Bill Gates (@thisisbillgates)

महाराष्ट्रातील नागपूर शहरात डॉली चायवालाची आगळी-वेगळीच ओळख आहे. या व्यक्तीने दहावीनंतर शिक्षण सोडले आणि गेल्या 16 वर्षांपासून नागपुरातील सिव्हिल लाईन्सजवळ चहाचे दुकान चालवत आहे. डॉली चहाच्या स्टॉलवर जो कोणी चहा प्यायला येतो त्याला या व्यक्तीची स्टाइल आणि चव या दोन्हीची भुरळ पडते. डॉली आपल्या टपरीवर ग्राहकांना रजनी (रजनीकांत) स्टाईलमध्ये चहा सर्व्ह करतो. एवढेच नाही तर डॉली आपल्या ग्राहकांचे अनोख्या पद्धतीने स्वागत करतो, ज्यामुळे प्रत्येकामध्ये आज त्याची क्रेझ पाहायला मिळत असून स्वतः बिल गेट्सही डॉलीच्या अनोख्या स्टाईलवर फिदा झाले. आपल्या छोट्या चहाच्या दुकानातून डॉली चायवाला चांगली कमाई करतो. डॉलीच्या शैली आणि चवीने अनेक सेलिब्रिटी प्रभावित झाले असून सोशल मीडियावर डॉली चायवालाची बरीच चर्चा होते.

दररोज काही फूड ब्लॉगर डॉलीची शैली आपल्या कॅमेऱ्यात टिपण्यासाठी त्याच्या तयारीवर पोहोचतात. त्याच्या स्टायलिश वर्तनामुळे आणि अनोख्या सेवेमुळे त्याची तुलना प्रसिद्ध अभिनेता जॉनी डेपशी केली जाते. महाराष्ट्रातील नागपूर येथील रवींद्र नाथ टागोर मार्गावर असलेले डॉलीच्या चहाचे दुकान चहाप्रेमींनी नेहमीच गजबजलेले असते.

tea seller Dolly Chaiwalla made chai for Bill Gates

tea seller Dolly Chaiwalla made chai for Bill Gates
tea seller Dolly Chaiwalla made chai for Bill Gates
tea seller Dolly Chaiwalla made chai for Bill Gates

tea seller Dolly Chaiwalla made chai for Bill Gates