बेळगाव : नयानगर येथे अपघातात ठार

बेळगाव—belgavkar : नयानगर (ता. बैलहोंगल) येथे मोटारसायकलची धडक बसून पादचारी वृद्धाचा मृत्यू झाला आहे. मंगळवारी ही घटना घडली असून, या अपघातात मोटारसायकलस्वारही जखमी झाला आहे. अशोक यल्लाप्पा कित्तूर (वय 60, रा. केंगानूर) असे अपघातात मृत्युमुखी पडलेल्या दुर्दैवी वृद्धाचे नाव आहे.

मोटारसायकलस्वार सिद्धू कुरी (वय 26) हा जखमी झाला असून त्याच्यावर सिव्हिल हॉस्पिटलमध्ये उपचार करण्यात येत आहेत. अपघातात गंभीर जखमी झालेल्या वृद्धाला स्थानिक इस्पितळात हलविताना वाटेतच त्याचा मृत्यू झाला आहे. बैलहोंगल पोलिसात घटनेची नोंद झाली असून पोलीस पुढील तपास करीत आहेत.

Belgaum Nayanagar Bailhongal accident dies belgav belagavi belgavkar explore digital india

Belgaum Nayanagar Bailhongal accident dies