बेळगाव जिल्ह्यात ₹ 485 कोटींची गुंतवणूक करणार

बेळगाव—belgavkar : कर्नाटक राज्यस्तरीय सिंगल विंडो क्लिअरन्स कमिटीने (एसएलएसडब्ल्यूसीसी) ₹ 6,407.82 कोटींच्या एकत्रित 128 उद्योगांना मंजुरी दिली आहे. त्यामुळे 33 हजार 771 युवकांना रोजगार मिळणार आहे. Jayadi Techmac Private Limited बेळगाव जिल्ह्यात 485 कोटींची गुंतवणूक करणार असून, 1025 जणांना रोजगाराची संधी उपलब्ध होणार आहे. या उद्योगाच्या प्रस्तावांना शुक्रवारी अवजड आणि मध्यम उद्योग आणि पायाभूत सुविधा विकासमंत्री एम. बी. पाटील यांच्या अध्यक्षतेखालील समितीने मंजुरी दिली.

बंगळूरस्थित गोकुळ एज्युकेशन फाऊंडेशन (मेडिकल) आणि राष्ट्रीय शिक्षण समिती ट्रस्ट यांनी उद्योगासाठी प्रस्ताव दिले होते. या कंपन्या राज्यात अनुक्रमे 484.33 कोटी आणि 415 कोटी गुंतवणार आहेत. औद्योगिक विकासाला चालना देण्यासाठी आणि राज्यभरात रोजगार निर्माण करण्यासाठी, संशोधन संस्थांची स्थापना, गोदामे, शीतगृहे बांधणे, वाहनांचे सुटे भाग, पीव्हीसी पाईप निर्मितीसाठी विविध कंपन्या 6,407.82 कोटींची गुंतवणूक करणार आहेत. बंगळूर ग्रामीण, बेळगाव, रामनगर आणि म्हैसूर जिल्ह्यातील विविध भांडवली गुंतवणुकीसाठी उद्योगांना मंजुरी दिली आहे.

Jayadi Techmac Private Limited चा बेळगाव येथे मशीन्ड कास्टिंग स्थापित करण्यासाठी 485 कोटींचा प्रस्ताव आहे, तर धारिवाल इंडस्ट्रीजची बंगळूर ग्रामीणमध्ये एकात्मिक प्रकल्पासाठी 465 कोटींची गुंतवणूक होणार आहे. कमिटीने 22 प्रकल्पांना मंजुरी दिली आहे. 22 प्रस्ताव एकदा सादर झाल्यानंतर एकूण 4,230.64 कोटींची गुंतवणूक आकर्षित करणार आहे. त्यातून 24,846 नोकऱ्या निर्माण होतील. बैठकीत अतिरिक्त राज्य सरकारचे मुख्य सचिव आणि विकास आयुक्त डॉ. शालिनी रजनीश, उद्योग विभागाचे प्रधान सचिव डॉ. एस. सेल्वाकुमार, वाणिज्य आणि उद्योग विभागाचे आयुक्त गुंजन कृष्णा, मुख्य कार्यकारी अधिकारी आणि कर्नाटक औद्योगिक क्षेत्र विकास मंडळाचे कार्यकारी सदस्य डॉ. एन. महेश, कर्नाटक उद्योग मित्राचे व्यवस्थापकीय संचालक दोड्डु बसवराजू आणि विविध विभागांचे वरिष्ठ अधिकारी उपस्थित होते.

Belgaum Jayadi Techmac Private Limited ₹485 crore belgav belagavi belgavkar explore digital india
Belgaum Jayadi Techmac Private Limited ₹485 crore
Belgaum Jayadi Techmac Private Limited ₹485 crore

Belgaum Jayadi Techmac Private Limited ₹485 crore