बेळगाव : 4 जणांचा बळी गेला, गॅस गळतीमुळे आगीचा भडका

बेळगाव—belgavkar : गॅस गळतीमुळे आगीच्या भडक्याने आठवड्यात कुटुंबातील 4 जणांचा बळी गेला. बसवाण गल्ली येथील भट कुटुंबातील पाचजण रविवारी (28 जानेवारी) गॅस गळतीमुळे लागलेल्या आगीत जखमी झाले. त्यापैकी दोघे म्हणजे आजी आणि नातू यांचा दुसऱ्या दिवशीच सोमवारी (29 जानेवारी) मृत्यू झाला. तर 31 जानेवारीला आजोबांचा मृत्यू झाला. तर रविवारी (4 फेब्रुवारी) पहाटे ललिता भट (वय 48) यांचा मृत्यू झाला. त्यामुळे एकाच कुटुंबातील चौघांचा मृत्यू झाला.

बसवाण गल्लीत गेल्या रविवारी गॅस गळती झाली. त्यामुळे देव्हाऱ्यातील दिव्यामुळे आगीचा भडका उडला. त्यात कुटुंबातील पाचजण गंभीर जखमी झाले. पैकी चौघांची प्रकृती पहिल्या दिवसांपासून अत्यंत गंभीर होती. 24 तासांमध्ये दोघांचा मृत्यू झाला. कमलाक्षी गोपाळ भट (वय 78) आणि हेमंत भट (28, दोघे. रा. बसवाण गल्ली, बेळगाव) या आजी-नातवाचा समावेश होता. उर्वरित दोघांची प्रकृती गंभीर होती. खासगी रुग्णालयात उपचार सुरू होते. याला प्रतिसाद मिळाला नाही. 31 जानेवारीला गोपाळकृष्ण भट (84) यांचा तर ललिता भट याचा रविवारी पहाटे मृत्यू झाला.

त्यामुळे आगीच्या भडक्याने एका कुटुंबातील चौघांचा आठवड्याभरात बळी गेला आहे. दरम्यान, दुर्घटनेत टिळक चौक येथे कारगाडीमध्ये शालेय साहित्य विकणारे मोहन भट (62, सर्व रा. बसवाण गल्ली, बेळगाव) जखमी होते. मात्र, त्यांना किरकोळ दुखापत झाली. यामुळे त्यांची तब्येत स्थिर होती. उपचाराला त्यांनी प्रतिसाद दिल्यामुळे तब्येतीमध्ये सुधारणा झाली. मात्र, उर्वरित चौघांचा भडका उडून मत्यू झाला आहे. खडेबाजार पोलिस ठाण्यात याची नोंद आहे.

Belgaum Gas Leakage 4 dies Baswan Galli belgav belagavi belgavkar explore digital india
belgavkar news | digital india
explore digital india | belgaum news
Belgaum Gas Leakage 4 dies Baswan Galli

Belgaum Gas Leakage 4 dies Baswan Galli