बेळगाव : उपनोंदणी कार्यालयातील विविध सेवा आता ग्रामपातळीवर

बापूजी सेवा केंद्राद्वारे ऑनलाईन 5 वेगवेगळ्या सेवा Bapuji Seva Kendra Online Services

बेळगाव—belgavkar : उपनोंदणी कार्यालयातील विविध सेवा आता ग्रामपातळीवर उपलब्ध करून देण्यात येणार आहेत. बापूजी सेवा केंद्राद्वारे गावपातळीवर ऑनलाईन स्वरुपात 5 वेगवेगळ्या सेवा प्राप्त होणार आहेत. महसूल विभागाचे मुख्यसचिव व्ही. रश्मी महेश यांनी त्याबाबत आदेश बजाविला आहे. यामुळे विविध सेवांसाठी तालुकास्तरीय कार्यालयांना भेट देण्याची आवश्यकता राहिली नाही.

तालुका पातळीवर उपनोंदणी आणि मुद्रांक विभागाकडून विविध सेवा पुरविल्या जातात. कागदपत्रे नोंदणी (डॉक्युमेंट सर्टिफिकेट), विवाह नोंदणी प्रमाणपत्र (मॅरेज सर्टिफिकेट), मालमत्ता बोजा प्रमाणपत्र (इन्करन्स सर्टिफिकेट),अधिकृत नोंदणी प्रमाणपत्र (सर्टिफाईड कॉपी) आणि फर्म आणि सोसायटी नोंदणी प्रमाणपत्र बापूजी केंद्रातून मिळणार आहेत. या संदर्भात काही महिन्यांपासून चर्चा सुरू होती. मंत्रिमंडळात त्याला ‘हिरवा कंदील’ दाखविला होता. यापूर्वी या सर्व तालुका पातळीवर मिळत होत्या. उपनोंदणी कार्यालयात अर्ज करावे लागायचे. मात्र, आता प्रणालीत बदल करत काही सेवा ग्रामपातळीवर उपलब्ध करून देण्यासाठी विस्तार केले आहे. यामुळे जनतेला अनुकूल आणि पारदर्शक प्रशासकीय प्रणालीला चालना मिळणार आहे.

नॅशनल ई-गव्हर्नन्स सर्व्हिस लिमिटेड माध्यमातून सेवा जनतेला प्राप्त होणार आहेत. यामुळे त्याचा लाभ घेण्याबाबतचे आवाहन केले आहे. बापूजी सेवा केंद्र माध्यमातून राज्य शासन जनतेला विविध सेवा उपलब्ध करून देण्यासाठी पुढे आले आहे. ग्रामीण जनतेला कृषी, सामाजिक, शैक्षणिक विभागाशी संबंधित विविध सेवांसाठी तालुका पातळीवर सतत भेट द्यावी लागते. यात त्यांचा पैसा आणि वेळ जातो. त्यामुळे उपनोंदणी कार्यालयातील काही महत्त्वाचे दाखले गाव पातळीवर ग्रामपंचायतीमार्फत देण्याची तयारी सुरू आहे.

Belgaum Bapuji Seva Kendra Sub Registrar Office New Online Services belgav belagavi belgavkar explore digital india

Bapuji Seva Kendra Sub Registrar Office New Online Services
Bapuji Seva Kendra Sub Registrar Office New Online Services

Bapuji Seva Kendra Sub Registrar Office New Online Services