बाप-लेकाला घाबरत नाही — भाजप नेते आमदार बसनगौडा पाटील-यत्नाळ

बेळगाव—belgavkar : भाजप नेते आमदार बसनगौडा पाटील-यत्नाळ यांनी राज्यसभा निवडणुकीच्या तिकीट वाटपावरून पक्षावर टीका केली आहे. लोकसभा निवडणुकीनंतर सर्वांचा इतिहास बाहेर काढू, असा इशारा त्यांनी प्रदेशाध्यक्ष विजयेंद्र आणि येडियुराप्पा यांना दिला असून, बाप-लेकाला घाबरत नाही, अशी टीका त्यांनी माजी मुख्यमंत्री बी. एस. येडियुराप्पा आणि त्यांचे पुत्र विजयेंद्र यांच्यावर केली आहे. यामुळे भाजपमधील अंतर्गत वाद पुन्हा चव्हाट्यावर आला आहे.

Click Here To Join WhatsApp Group

पत्रकारांशी बोलताना यत्नाळ म्हणाले, मी अटल बिहारी वाजपेयी आणि लालकृष्ण अडवाणी वगळता कोणाच्याही पाया पडत नाही. तडजोडीचे राजकारण मला जमत नाही. तडजोड करणाऱ्यांना राजकीय भविष्य असते. पण, ते मी करणार नाही. बाप-लेकाला घाबरवणारा मी नाही. लोकसभा निवडणुकीच्या तोंडावर तोंड उघडणार नसलो तरी निवडणुकीनंतर सगळ्यांची प्रकरणे बाहेर काढणार आहे.