PM मोदींचा साऊथ लूक

लुंगी परिधान करुन पोंगलमध्ये Video

पंतप्रधान नरेंद्र मोदी बुधवारी राज्यमंत्री एल मुरुगन यांच्या दिल्लीतील निवासस्थानी पोंगल उत्सवात सहभागी झाले. यावेळी ते दक्षिण भारतीय पारंपारिक वेशभूषेत दिसून आले. पंतप्रधान नरेंद्र मोदी यांनी यावेळी एक विधी करतानाचा व्हिडिओ सध्या सोशल मिडीयावर व्हायरल झाला आहे. पंतप्रधान नरेंद्र मोदींनी काळ्या कोटसह पांढऱ्या रंगाची लुंगी घातल्याचे व्हिडिओमध्ये दिसत आहे.

एएनआय या वृत्तसंस्थेने पंतप्रधान नरेंद्र मोदींचा व्हिडिओ शेअर केला आहे. पंतप्रधानांनी आपल्या डाव्या खांद्यावर शालही घेतल्याचे व्हिडिओमध्ये दिसत आहे. यावेळी पंतप्रधान नरेंद्र मोदी म्हणाले, ‘पोंगल सणाच्या तुम्हा सर्वांना खूप खूप शुभेच्छा. पोंगलच्या पवित्र दिवशी, तामिळनाडूतील प्रत्येक घरातून पोंगलची धारा वाहते. अशाच प्रकारे तुमच्या आयुष्यात सुख, समृद्धी आणि समाधानाचा प्रवाह वाहत राहो हीच सदिच्छा’.

#WATCH | Prime Minister Narendra Modi takes part in the #Pongal celebrations at the residence of MoS L Murugan in Delhi.

Puducherry Lt Governor and Telangana Governor Tamilisai Soundararajan also present here. pic.twitter.com/rmXtsKG0Vw

— ANI (@ANI) January 14, 2024

ते पुढे म्हणाले की, पोंगल सणात ताजे पीक देवाच्या चरणी अर्पण करण्याची परंपरा आहे. या संपूर्ण उत्सवाच्या परंपरेच्या केंद्रस्थानी आपले अन्नदाते, आपले शेतकरी आहेत. भारतातील प्रत्येक सण हा कोणत्या ना कोणत्या प्रकारे गाव, शेती आणि पिकांशी संबंधित असतो. संत तिरुवल्लूर यांनी म्हटले आहे की, चांगली पिके, शिक्षित लोक आणि प्रामाणिक व्यापारी मिळून राष्ट्राची उभारणी करतात. पोंगलच्या दिवशी पहिले पीक देवाला अर्पण करण्याची परंपरा आहे. आपले शेतकरी या परंपरेच्या केंद्रस्थानी आहेत. खरे तर आपले सर्व सण हे कोणत्या ना कोणत्या प्रकारे शेतीशी संबंधित आहेत’.

व्हायरल आलेल्या व्हिडिओमध्ये पंतप्रधान नरेंद्र मोदी दिल्लीतील राज्यमंत्री एल मुरुगन यांच्या निवासस्थानी प्रवेश करताना आणि उत्सवात सहभागी होताना दिसत आहेत. पुद्दुचेरीचे लेफ्टनंट गव्हर्नर आणि तेलंगणाच्या राज्यपाल तमिलिसाई सुंदरराजन हे देखील राज्यमंत्री मुरुगन यांच्या निवासस्थानी उपस्थित होते. पोंगल हा तमिळ समुदायाकडून साजरा केला जाणारा सण आहे. हा एक पीक कापणीचा सण आहे आणि पिकांची लागवड आणि शेतात काम करण्यास मदत करणारे प्राणी प्रदान केल्याबद्दल सूर्य आणि माता निसर्गाबद्दल कृतज्ञता व्यक्त करण्यासाठी हे स्मरण केले जाते. हा सण चार दिवसांपेक्षा जास्त काळ साजरा केला जातो आणि ‘थाई’ म्हणून ओळखल्या जाणार्‍या तमिळ महिन्याची सुरुवात देखील करतो.

थाई महिना तमिळ लोकांमध्ये एक शुभ महिना मानला जातो आणि सामान्यतः प्रत्येक वर्षी जानेवारीच्या 14 व्या किंवा 15 व्या दिवशी येतो. प्रसंगी मोठ्या थाटामाटात तयार केलेल्या आणि खाल्ल्या जाणाऱ्या पदार्थावरून ‘पोंगल’ या सणाचे नाव पडले आहे. पोंगल हा शब्द ‘पोंगु’ या शब्दापासून आला आहे ज्याचे भाषांतर “उकळणे” असे केले जाऊ शकते.

VIDEO : PM Modi wears South Indian lungi for Pongal celebrations
VIDEO PM Modi South Indian lungi Pongal

VIDEO PM Modi South Indian lungi Pongal