बेळगाव महापालिका आयुक्तांची बदली; उपायुक्त तालिकोटी यांचीही बदली

बेळगाव—belgavkar : बेळगाव महापालिकेचे आयुक्त अशोक दुडगुंटी यांची बदली झाली आहे. रायचूर जिल्हा अप्पर जिल्हाधिकारीपदी त्यांची नियुक्ती केली आहे. पण दुडगुंटी यांच्या बदलीमुळे रिक्त झालेल्या आयुक्तपदी कोणाचीही नियुक्ती झालेली नाही. त्यामुळे बेळगाव महापालिका आयुक्तपदी कोणाची नियुक्ती होणार याबाबतची उत्सुकता कायम आहे.

जमखंडी येथे अप्पर कृष्णा योजनेत विशेष भूसंपादन अधिकारी या पदावर महापालिकेच्या महसूल उपायुक्त रेश्मा तालिकोटी यांची नियुक्ती केली आहे. स्मार्ट सिटी योजनेच्या व्यवस्थापकीय संचालक आफ्रिनबानो बळ्ळारी यांची बदली दावनगेरी जिल्हा अप्पर जिल्हाधिकारी या पदावर झाली आहे. त्यांच्या जागी म्हणजे स्मार्टसिटी व्यवस्थापकीय संचालकपदी सोमलिंगप्पा गोन्ननावर यांची नियुक्ती केली आहे. बेळगावच्या प्रांताधिकारीपदी बसप्पा काळशेट्टी यांची नियुक्ती केली आहे. जिल्ह्यातील अन्य काही केएएस अधिकाऱ्यांची बदली केली आहे. लोकसभा निवडणुकीच्या पार्श्वभूमीवर या बदल्या झाल्या असून निवडणूक प्रक्रिया पूर्ण झाल्यावर या सर्व अधिकाऱ्यांना पुन्हा मूळ ठिकाणी नियुक्ती दिली जाणार आहे, बदली आदेशात तसे नमूद केले आहे. लोकसभा निवडणुकीच्या पार्श्वभूमीवर राज्यातील अधिकाऱ्यांची बदली प्रक्रिया पूर्ण करण्याचा आदेश निवडणूक आयोगाकडून राज्य शासनाला दिला होता. मातृ जिल्ह्यातील अधिकारी तसेच एकाच जिल्ह्यात तीन किंवा त्यापेक्षा जास्त काळ सेवा बजावलेले अधिकारी यांची बदली करावी, असे आदेशात नमूद केले होते.

उपायुक्त तालिकोटी यांचीही बदली : महापालिकेच्या महसूल उपायुक्त रेश्मा तालिकोटी यांचीही बदली झाली आहे. त्यांच्या जागी गुरुनाथ शिवपुत्र दड्डे यांची महसूल उपायुक्त म्हणून केली आहे. तालिकोटी यांच्याकडे महापालिकेसोबत हिडकल योजनेच्या विशेष भूसंपादन अधिकारी पदाची जबाबदारी होती. या दोन्ही पदांवरून त्यांची बदली झाली आहे.

Belgaum Transfer of Belgaum Municipal Commissioner belgav belagavi belgavkar explore digital india
belgavkar news | digital india
explore digital india | belgaum news
Transfer of Belgaum Municipal Commissioner

Transfer of Belgaum Municipal Commissioner