एका राजाने पाकिस्तानात बांधलेलं राम मंदिर

सध्या भारतात सर्वत्र राम मंदिराची चर्चा होत आहे. राम मंदिरामुळे अयोध्या जगभरात चर्चेचा विषय बनला आहे. जगाच्या अनेक कोपऱ्यातही भगवान श्रीरामांची मंदिरे आहेत. तुम्हाला माहित आहे का की, पाकिस्तानातही राम मंदिर आहे. सगळ्यात महत्त्वाची गोष्ट म्हणजे या मंदिराला मोठी ओळख आहे आणि तिथले लोक आजही या मंदिरात पूजा करतात. 1947 मध्ये भारत-पाकिस्तान वेगळे झाले तेव्हा पाकिस्तानच्या भागात 428 मंदिरे होती. सध्या, भारतातील मंदिरे पाडून त्यांचे अवशेष चर्चेत असल्याच्या बातम्या येत आहेत आणि बरेच लोक पाकिस्तानमध्ये उद्ध्वस्त झालेल्या मंदिराबद्दल बोलत आहेत.

आज आपण पाकिस्तानमधील या राम मंदिराची कहानी सांगत आहोत. यासोबतच आपण हे देखील जाणून घेऊयात की पाकिस्तानमध्ये हे मंदिर कोणी बांधले आहे. जेव्हा पाकिस्तान भारतापासून वेगळा नव्हता, तेव्हा इस्लामाबादच्या आसपास अनेक हिंदू राहत होते. त्यामुळेच या परिसरात अनेक मोठी मंदिरे होती. हे राम मंदिर पाकिस्तानची राजधानी इस्लामाबादच्या सैदपूर गावात आहे. 15 व्या शतकात बांधलेले हे मंदिर रामांचे आहे. श्री राम वनवासात असतानाही ते येथेच राहिले होते. या भूमीवर त्यांचे अस्तित्व होते, असे तेथील हिंदू समाजाचे लोक मानतात (Rama Temple, also known as Ram Kund Temple, is situated in Saidpur Village, Islamabad, Pakistan).

हे मंदिर कोणी बांधले? : हे मंदिर 1580 मध्ये हिंदू राजपूत राजा मान सिंह याने बांधले होते असे सांगितले जाते. फाळणीपूर्वी हे मंदिर भव्यतेसाठी ओळखले जात होते. मात्र, फाळणीनंतर या मंदिराची दुर्दशा झाली. मात्र 2016 मध्ये या मंदिराचा परिसर नूतनीकरण करून पाकिस्तानातील हिंदू समाजाच्या ताब्यात देण्यात आला.

कराचीतील हनुमान मंदिर

पाकिस्तानात फक्त श्री रामाचेच मंदिर नाही, खरे तर कराचीमध्ये रामभक्त हनुमानांचे मंदिरही आहे. कराचीमध्ये असलेला हा पुतळा हजारो वर्ष जुना असल्याचं सांगण्यात येत आहे. तथापि, 1882 मध्ये त्याची पुनर्बांधणी करण्यात आली. आजही येथे दर्शनासाठी हिंदूंची गर्दी असते. याशिवाय पाकिस्तानमध्ये अनेक जुनी आणि मोठी मंदिरे आहेत. ज्यांना भेट देण्यासाठी जगभरातील हिंदू दरवर्षी येतात.

बलुचिस्तान स्थित हिंगलज शक्तीपीठ हे पाकिस्तानातील सर्वात भव्य मंदिरांपैकी एक मानले जाते. मात्र आज या मंदिराची अवस्था वाईट झाली असून हे मंदिर भग्नावस्थेत आहे.

Rama Temple Ram Kund Temple Saidpur Village Islamabad, Pakistan

Rama Temple Ram Kund Temple Saidpur Village Islamabad