KGF Actor Yash Birthday and Accident

अभिनेता यशच्या वाढदिवसाचे बॅनर लावताना अपघात; 3 चाहत्यांचा जागीच मृत्यू तर तिघे जखमी

KGF चित्रपटामुळे घराघरात पोहोचलेला अभिनेता यश

KGF Actor Yash Birthday @कर्नाटक : कन्नड अभिनेता यशचा आज 38वा वाढदिवस आहे. पण, यशच्या वाढदिवसाच्या आदल्या रात्री कर्नाटकातील गदग जिल्ह्यात मोठा अपघात झाला. विजेच्या खांबावर यशचे मोठे बॅनर लावत असताना 3 जणांचा विजेचा धक्का लागून जागीच मृत्यू झाला, तर इतर तिघे गंभीर जखमी झाले (3 fans electrocuted while installing birthday flex for KGF star Yash in Karnataka).

मिळालेल्या माहितीनुसार, ही घटना रविवारी (7 जानेवारी) रात्री उशिरा घडली. यशच्या वाढदिवसानिमित्त त्याचे चाहते विजेच्या खांबाजवळ एक मोठे बॅनर लावत होते. यावेळी त्यांना विजेचा जोरदार झटका बसला. शॉक इतका जोरदार होता की, तिघांचा जागीच मृत्यू झाला, तर इतर तिघे जखमी झाले. जखमींना रुग्णालयात दाखल करण्यात आले आहे (हनुमंत हरिजन (24), मुरली नादुविनामनी (20) आणि नवीन गाजी (20) अशी मृतांची नावे आहेत. हा अपघात गदग जिल्ह्यातील लक्ष्मेश्वर तालुक्यातील सुरनागी गावात पहाटे एक वाजता झाली (Suranagi village of Laxmeshwar taluk of Gadag district)

यशचे खरे नाव नवीन कुमार गौडा आहे, पण तो चित्रपटसृष्टीत यश नावाने ओळखला जातो. यशने कन्नड चित्रपटसृष्टीत 2007 मध्ये आलेल्या ‘जंबडा हुडुगी’ मधून करिअरला सुरुवात केली. यानंतर त्याने ‘रॉकी’ (2008), ‘गुगली’ (2013) आणि ‘मिस्टर अँड मिसेस रामाचारी’ (2014) सारखे हिट चित्रपट दिले. पण, KGF चित्रपटाने यशला देश-विदेशात ओळख मिळवून दिली.

यशच्या आगामी चित्रपटांपैकी ‘टॉक्सिक’ची सर्वाधिक चर्चा होत आहे. हा चित्रपट 10 एप्रिल 2025 रोजी प्रदर्शित होणार असल्याचे बोलले जात आहे. केव्हीएन प्रॉडक्शन हाऊसच्या बॅनरखाली बनत असलेल्या या चित्रपटाचे दिग्दर्शन गीतू मोहनदास करत आहे. या चित्रपटात यश आणि श्रुती हसन मुख्य भूमिकेत असणार आहेत.

KGF Actor Yash Birthday and Accident