बेळगाव : बसरीकट्टी येथील महालक्ष्मी यात्रा

बेळगाव—belgavkar : बसरीकट्टी (ता. बेळगाव) महालक्ष्मी यात्रेला मंगळवार 13 फेब्रुवारी पासून प्रारंभ होणार आहे. मंगळवारपासून यात्रेला प्रारंभ होणार असून 9 दिवस यात्रा चालणार आहे. महालक्ष्मी देवीचा रथ बांधणीचे काम पूर्ण झाले आहे. देवीसाठी लागणारे दागिने आणि इतर साहित्याची खरेदी कमिटीच्यावतीने करण्यात आली आहे.

यात्रेसंदर्भात आयोजित बैठकीत विविध विषयांवर चर्चा करण्यात आली. मिरवणूक मार्गाची आखणी करण्यात आली असून मिरवणूक काळात कोणत्याही समस्या निर्माण होऊ नयेत, यासाठी खबरदारी घेण्यात येत आहे. यात्रेला येणाऱ्या भाविकांसाठी दोन ठिकाणी पार्किंगची सोय करण्यात आली आहे. यात्रा काळात बेळगाव ते बसरीकट्टी जादा बसेस सोडण्यात येणार आहेत. तसेच यात्रा काळात कोणताही अनुचित प्रकार घडू नये, यासाठी मारिहाळ पोलिस स्थानकाच्यावतीने चोख बंदोबस्त ठेवण्यात येणार आहे. कमिटीच्या वतीने यात्रेची जय्यत तयारी करण्यात आली आहे. वाहतूक, पाण्याची सोय, पार्किंग व्यवस्था यासह मिरवणुकीची तयारी करण्यात आली आहे.

यात्रेच्या पहिल्या दिवशी मंगळवारी (13) गावातील सर्व देवतांची पूजा, महालक्ष्मी देवीची पहिली पूजा होणार आहे. या दिवशी देवीला गोड नैवेद्य दाखविण्यात येणार असून दुसऱ्या दिवशी बुधवारी (14) पहाटे गार्‍हाणे, अक्षतारोपण, देवीचे दर्शन, हक्कदारांकडून ओटी भरणी झाल्यानंतर सायंकाळी देवी गदगेवर विराजमान होणार. त्यानंतर भव्य मिरवणूक सोहळा होणार आहे. गुरुवार 15 रोजी स्नेहभोजन होणार आहे. 16 रोजी मुतगे व इतर गावांच्या हकदारांकडून ओटी भरण्याचा कार्यक्रम होणार आहे. 17, 18, 19 आणि 20 रोजी गावात महालक्ष्मी देवीचे विशेष कार्यक्रम होणार आहेत. दि. 21 रोजी यात्रोत्सवाचा सांगता होणार आहे. यावेळी बसवाणी कॉडसकोप, कुशाप्पा खनूकर, संजीव देसाई, सिद्राय नागरोळी, सुधीर देसाई, यल्लाप्पा चौगुले, सोमनाथ कुरंगी आदी उपस्थित होते.

Belgaum Mahalakshmi Yatra at Basarikatti belgav belagavi belgavkar explore digital india
Belgaum Mahalakshmi Yatra at Basarikatti

Belgaum Mahalakshmi Yatra at Basarikatti