कर्नाटक : आमदाराला जीवे मारण्याची धमकी, एकाला अटक

Threat to kill BJP MLA K Gopalaiah

कर्नाटक—belgavkar : भाजप आमदार गोपालय्या यांना जीवे मारण्याची धमकी देणाऱ्या व्यक्तीला अटक केल्याची माहिती गृहमंत्री डॉ. जी. परमेश्वर यांनी विधानसभेत सांगितली. शून्य प्रहरात माजी मंत्री गोपालय्या यांना जीवे मारण्याची धमकी दिल्याच्या मुद्द्यावर संपूर्ण सभागृह त्यांच्या पाठिशी उभे राहिले. जीवे मारण्याची धमकी देणाऱ्या व्यक्तीला तत्काळ अटक करावी, अशी मागणी सर्वांनी केली. अध्यक्ष यु. टी. खादर यांनी आमदारांना जीवे मारण्याच्या धमक्या देणे, ही गंभीर बाब आहे. त्यांनी धमकी देणाऱ्या व्यक्तीला तत्काळ अटक करण्याचा आदेश दिला.

आमदार गोपलय्या म्हणाले, मंगळवारी रात्री 11 वाजता बीबीएमपीचे माजी सदस्य पद्मराज यांनी फोन करून पैशांची मागणी केली. त्यावर पैसे मागायला तू माझा काका कि आजोबा आहेस का, असे विचारले. तेव्हा पद्मराज माझ्याबद्दल आणि माझ्या कुटुंबाबद्दल वाईट बोलले. ते शब्द इथे सांगता येणार नाहीत. पोरांना पाठवून घर लुटण्याची धमकी दिली. तसेच त्याने मला जीवे मारण्याचीही धमकी दिली. बसवेश्वरनगरमध्ये त्यांचा क्लब आहे. ते दारूच्या नशेत मलाच नाही, तर ज्येष्ठ आमदार सुरेशकुमार यांनाही अनेकवेळा वाईट बोलले आहेत.

सदस्य सुनीलकुमार म्हणाले की, आमदाराला जीवे मारण्याची धमकी देणाऱ्याला आतापर्यंत अटक का झाली नाही, असा सवाल त्यांनी केला. आमदार अरगा ज्ञानेंद्र म्हणाले, गोपालय्यांना जीवे मारण्याची धमकी देण्यात आली आहे, हे निंदनीय आहे. जीवे मारण्याची धमकी देणाऱ्यांना तत्काळ अटक करा. विरोधी पक्षनेते आर. अशोक यांनी धमकी देणाऱ्याला अटक केली नसल्याबद्दल संताप व्यक्त केला. समाजकल्याण मंत्री डॉ. महादेवप्पाया यांनी, गृहमंत्री परिषदेत आहेत. त्याचे उत्तर ते देतील. कायदा सर्वांसाठी समान आहे. पक्षपाती किंवा भेदभाव करण्याचा आमचा हेतू नाही, असे स्पष्ट केले.

चर्चेनंतर सभागृहात आलेले गृहमंत्री डॉ. परमेश्वर यांनी, बीबीएमपीचे माजी सदस्य पद्मराज नावाच्या व्यक्तीला आमदार गोपलय्या यांना जीवे मारण्याची धमकी दिल्याप्रकरणी अटक केल्याचे सांगितले. कामाक्षीपाळ्य पोलिस ठाण्यात गुन्हा दाखल झाला आहे (Former councillor Padmaraj arrested for threat call to BJP MLA K. Gopalaiah).

Threat to kill BJP MLA K Gopalaiah
Threat to kill BJP MLA K Gopalaiah

Threat to kill BJP MLA K Gopalaiah