धक्कादायक…! झोपलेल्या 1 वर्षाच्या बाळावर कुत्र्याचा हल्ला, ओढत नेलं अन्…

बाळाला भटक्या कुत्र्यांनी ओढून नेत…

भटक्या कुत्र्यांनी चावा घेतल्याच्या बातम्या आपण ऐकत असतो. देशातील अनेक शहरात ही समस्या पाहायला मिळते. या दरम्यान तेलंगाणामधील हैदराबाद शहरात झोपडीत वडिलांसोबत झोपलेल्या एक वर्षाच्या बाळाला भटक्या कुत्र्यांनी ओढून नेत ठार केल्याचा धक्कादायक प्रकार समोर आला आहे (one-year-old boy mauled to death by a pack of stray dogs).

स्थानिकांनी भटक्या कुत्र्यांची टोळी लहान मुलाच्या मृतदेहाचे लचके तोडताना पाहिलं, त्यानंतर त्यांनी याबद्दल पोलिसांना माहिती दिली. या प्रकाराने एकच खळबळ उडाल्याचे पाहायला मिळाले. आरजीआय विमानतळ निरीक्षक के बलराजू यांनी सांगितले की त्यांनी मुलाचे वडील के सूर्यकुमार यांनी दिलेल्या तक्रारीवरून गुन्हा दाखल केला आहे आणि तपास सुरू केला आहे. मजूर म्हणून काम करणारे सूर्यकुमार शमशाबाद शहरातील राजीव गृहकल्प कॉम्प्लेक्सजवळ एका तात्पुरत्या झोपडीत राहतात.

बुधवारी रात्री बाळ आणि कुटुंबातील इतर सदस्य झोपडीत झोपले होते. घटना घडली तेव्हा आई मात्र त्या ठिकाणी नव्हती. पहाटे दीडच्या सुमारास भटक्या कुत्र्यांची टोळी एका मुलाचे लचके तोडत असल्याची माहिती देत स्थानिकांनी सूर्यकुमार यांना झोपेतून उठवले. त्यांनी धावतच बाहेर जाऊन पाहिले असता बाळ मृतावस्थेत आढळलं. आम्ही नागराजूला दूध पाजलं आणि सव्वाबारा वाजता झोपायला गेलो, पण तेव्हा काही संशयास्पद आढळलं नाही, असे सूर्यकुमार यांनी पोलिसांना सांगितले.
one-year-old boy death stray dogs attack
one-year-old boy death stray dogs attack

one-year-old boy death stray dogs attack