बेळगाव : कुख्यात चोरटा बेळगावातून फरारी

बेळगाव—belgavkar : कर्नाटक, महाराष्ट्र, आंध्रासह गोवा पोलिसांना हवा असलेला कुख्यात चोरटा बेळगावातून फरारी झाला. माळमारुती पोलिसांनी त्याला पकडण्यासाठी सापळा रचला होता. परंतु, त्याची कुणकूण लागल्याने तो दुचाकी सोडून पळून गेला. ख्वाजा अस्लम ऊर्फ रफिक सय्यद ऊर्फ शेख (वय 32, रा. सत्यसाई कॉलनी, वैभवनगर, बेळगाव) असे संशयिताचे नाव आहे.

त्याने अनेक राज्यांत धुमाकूळ घातला असून तो बुधवारी रात्री अमननगर येथे आल्याची माहिती माळमारुती पोलिसांना मिळाली होती. उपनिरीक्षक श्रीशैल यांच्या नेतृत्वाखाली आठ-दहा जणांचे पथक करून त्याच्या अटकेसाठी तयारी करण्यात आली होती. परंतु, याची कुणकूण लागल्याने दुचाकी येथेच टाकून तो पळून गेला. कुख्यात चोरटा ख्वाजाने बेळगाव शहर, जिल्हा, गोवा राज्यांत सुमारे 20 हून अधिक घरफोड्या तसेच वाटमारी केल्याची नोंद आहे. तिकडे चोऱ्या करून तो बेळगावला आश्रयाला येत होता. चोरीच्या वेळी तो स्वतःकडे धारदार शस्त्रे देखील ठेवत असल्याचे स्पष्ट झाले आहे. हा कुख्यात चोरटा असून तो कुठे दिसल्यास नजिकच्या पोलीस ठाण्याशी संपर्क साधावा, असे आवाहन पोलीस आयुक्तालयाने केले आहे.

Notorious thief absconding from Belgaum
Notorious thief absconding from Belgaum

Notorious thief absconding from Belgaum