आमिर खानच्या ऑनस्क्रिन मुलीचं निधन; मृत्यूचं कारण थक्क करणारं

‘दंगल गर्ल’ ने वयाच्या 19 व्या वर्षी घेतला अखेरचा श्वास…

चित्रपटात बनलेली छोटी बबीता फोगाट

बॉलिवूडमधून एक धक्कादयक बातमी समोर येत आहे. प्रसिद्ध आणि लोकप्रिय अभिनेत्री सुहानी भटनागर हिचं निधन झालं आहे वयाच्या 19 व्या वर्षा सुहानी भटनागर हिने अखेरचा श्वास घेतला आहे. सुहानी भटनागर हिने ‘दंगल’ सिनेमात अभिनेता आमिर खान याच्या लेकीची भूमिका साकारली होती. सुहानी हिच्या निधनानंतर सर्वत्र खळबळ माजली आहे (Aamir Khan’s Dangal co-star Suhani Bhatnagar who played young Babita Phogat dies at 19).

अपघातानंतर अभिनेत्रीचं निधन झाल्याची माहिती समोर येत. सध्या सर्वत्र फक्त आणि फक्त सुहानी भटनागर हिच्या निधनाची चर्चा सुरु आहे. फरिदाबाद येथील रहिवासी असलेल्या सुहानी भटनागरच्या मृत्यूचे कारण अत्यंत धक्कादायक आहे. अभिनेत्रीच्या संपूर्ण शरीरात पाणी भरल्यामुळे सुहानी हिचं निधन झाल्याची माहिती समोर येत आहे. काही दिवसांपूर्वी सुहानीचा अपघात झाला होता, त्यामुळे तिचा पाय फ्रॅक्चर झाला होता. सुहानीने उपचारासाठी घेतलेल्या औषधांचे असे दुष्परिणाम झाले की तिच्या शरीरात हळूहळू पाणी साचू लागलं.

सुहानी हिला दिल्लीतील एम्स रुग्णालयात दाखल देखील करण्यात आलं होतं. पण उपचारा दरम्यान अभिनेत्रीचं निधन झालं. सुहानी भटनागर ही बॉलिवूडची प्रसिद्ध बालकलाकार होती. आमिर खानचा ब्लॉकबस्टर चित्रपट ‘दंगल’ (2016) मधून तिला प्रसिद्धी मिळाली. या चित्रपटात तिने ज्युनियर बबिता फोगटची भूमिका साकारली होती. या चित्रपटातील तिच्या अभिनयाचे खूप कौतुक झाले होते. तिने अनेक टीव्ही जाहिरातींमध्येही काम केले होते. दंगलनंतर तिने अभ्यासासाठी अभिनय क्षेत्रातून ब्रेक घेण्याचा निर्णय घेतला. शिक्षण पूर्ण केल्यानंतर ती पुन्हा अभिनयाकडे परतणार होती. पण आता तिचं हे स्वप्न स्वप्नच राहिलं आहे.

Dangal co-star Suhani Bhatnagar dies
Dangal co-star Suhani Bhatnagar dies
Dangal co-star Suhani Bhatnagar dies

Dangal co-star Suhani Bhatnagar dies