बेळगाव : युवकाचा डोक्यात दगड घालून निर्घृण खून

बेळगाव—belgavkar : जमिनीच्या वादातून युवकाचा डोक्यात दगड घालून निर्घृण खून केल्याची घटना शुक्रवारी सायंकाळी बैलहोंगल तालुक्यातील होसूर गावात घडली. मंजू कोलकार (वय, 25. रा. वक्कुंद, ता. बैलहोंगल) असे खून झालेल्या युवकाचे नाव आहे.

याबाबत मिळालेल्या माहितीनुसार, मंजू याच्या बहिणीचा विवाह होसूर येथील तरुणाशी झाला आहे. मंजू हा आपल्या बहिणीला औषध देण्यासाठी म्हणून तिच्या सासरी गेला होता. त्याने जाताना आपल्या मित्राला देखील सोबत नेले होते. मंजू हा आपल्या बहिणीच्या घरी पोचला नाही. तसेच त्याचा खून झाल्याचे उघड झाले. या घटनेनंतर त्याचा मित्रदेखील फरारी झाला आहे. त्यामुळे मित्रानेच त्याचा काटा काढला असावा, असा संशय पोलिस व्यक्त करत आहेत.

काही दिवसांपूर्वी जमिनीच्या वादातून मंजू याचे त्याच्या मित्राशी भांडण झाले होते. मात्र त्यानंतर हे दोघेही मित्र एकत्र आले होते. त्यामुळेच मंजू याने आपल्या मित्राला घेऊन बहिणीकडे जाण्याचा बेत केला होता, मात्र याच दरम्यान त्याचा खून करण्यात आला. मुरगोड पोलिसांनी घटनास्थळी भेट देऊन पंचनामा केल्यानंतर उत्तरीय तपासणीसाठी मृतदेह रुग्णालयाकडे पाठविला. मुरगोड पोलिस स्थानकात खुनाची नोंद झाली असून, पोलिस अधिक तपास करीत आहेत.

Belgaum Youth brutally murdered in Bailhongal Hosur belgav belagavi belgavkar explore digital india
Belgaum Youth brutally murdered in Bailhongal Hosur

Belgaum Youth brutally murdered in Bailhongal Hosur