बेळगाव : डबल मर्डर…. पागल प्रेमी तरुणाने केली तिच्या आईची व भावाची हत्या

बेळगाव—belgavkar—belgaum : निपाणी : प्रेमप्रकरणातून पागल प्रेमी तरुणाने प्रेयसीच्याच्या आईची व तिच्या भावाची हत्या केल्याची घटना बुधवारी रात्री निपाणी तालुक्यातील अकोळ गावात घडली आह.

मंगला नाईक (45) आणि प्रज्वल नाईक (18) अशी दुर्देवींची नावे आहेत. अकोळ गावाच्या बाहेरील बाजूस एका घरात बुधवारी रात्री हा थरार घडलायं.

पागल प्रेमी तरुण रवीचे एका तरुणीवर प्रेम होते. पण त्याच्या घरच्यांचा त्याच्या प्रेमाला विरोध होता. लग्नाला कोणत्याही कारणास्तव संमती न मिळाल्याने ही हत्या झाल्याचा संशय आहे.

दरम्यान बुधवारा रात्रा 10 च्या सुमारास संशयिताने नाईक यांच्या घरी येऊन वाद घातला. यानंतर मंगल आणि प्रज्वल नाईक यांना लक्ष करून त्यांच्यावर लोखंडी रॉड, चाकू आणि कोयत्याने वार करून दोघांनाही जागीच गतप्राण केले. या घटनेनंतर संशयिताने पळ काढला. यादरम्यान काही नागरिकांना रक्ताने माखलेला कोयता नाईक यांच्या घराकडे जाणाऱ्या रस्त्यावर सापडल्याने परिसरातील नागरिकांनी नाईक यांच्या घराकडे धाव घेतली असता नेमका प्रकार दिसून आला. यानंतर याची माहिची ग्रामीण पोलिसांना देण्यात आली. त्यानुसार घटनास्थळी पोलीसांनी घटनास्थळी भेट देऊन पंचनामा केला.

या घटनेसंदर्भात आरोपी रवी, रवीचा मित्र आणि खून झालेल्या मंगला यांच्या मुलीला पोलिसांनी ताब्यात घेतले असून, निपाणी पोलिस ठाण्यात गुन्हा दाखल करण्यात आला आहे.

Belgaum Nipani Akol Double Murder

Belgaum Nipani Akol Double Murder