बालभवन बेळगावात

बेळगाव—belgavkar—belgaum : सुंदर, प्रशस्त व सुसज्ज असे बालभवन बेळगावात उभारण्याचा संकल्प आहे. त्यासाठी ₹ 20 कोटींचा निधी मंजूर झाला आहे. लवकरच या कामाला प्रारंभ करण्यात येणार आहे, अशी माहिती महिला व बालविकास मंत्री लक्ष्मी हेब्बाळकर यांनी दिली.

महिला आणि बालविकास खाते, जिल्हा प्रशासन, जिल्हा पंचायत, बंगळुरातील जवाहर बालभवन सोसायटी निती केंद्र आणि जिल्हा बाल भवन समितीतर्फे उभारण्यात येत असलेल्या बालभवन इमारतीचे भूमिपूजन मंत्री हेब्बाळकर यांच्या हस्ते नुकतेच झाले. त्यावेळी त्या बोलत होत्या.

त्या पुढे म्हणाल्या, बेळगावचा विकास झपाट्याने होत आहे. पण, महिला आणि बाल विकास खात्यासाठी शहरात सुसज्ज इमारत वा बालभवन नाही. ही त्रुटी दूर करण्यासाठी लवकरच स्वतंत्र इमारत बांधण्यात येणार आहे. त्यासाठी बेळगाव शहराच्या मध्यवर्ती भागात 4 एकर जागा निश्चित केली आहे. या जागेची बाजारपेठेतील किंमत ₹ 100 कोटी रुपये आहे. यासह येथे आपल्या खात्याची इमारतही उभारली जाईल. त्यासाठी 6 कोटी रुपये मंजूर केले असून लवकरच सदर रक्कम उपलब्ध होईल.

बालभवनासाठी पहिल्या टप्प्यात २ कोटी रुपये देण्यात आल्याची माहिती त्यांनी दिली. बालभवनात मुलांसाठी रेल्वे, फॅन्टसी पार्क, विविध प्रकारचे खेळाचे साहित्य, खेळातून ज्ञान मिळवण्यासाठीचे साहित्य, विविध पायाभूत सुविधा येथे असणार आहेत. मुलांना मनोरंजनाबरोबरच ज्ञानात भर घालण्यासाठी आवश्यक साहित्य येथे उपलब्ध केले जाणार आहे, असे मंत्री हेब्बाळकर यांनी सांगितले.

यावेळी आमदार राजू सेट, बालभवन सोसायटीचे अध्यक्ष जी. आर. नाईक, जि. पं. सीईओ राहुल शिंदे, महिला व बालविकास खात्याचे संचालक एन. सिद्धेश्वर, विशेष अधिकारी बी. एच. निश्चल, महिला आणि बालविकास खात्याचे उपसंचालक नागराज आदी उपस्थित होते.

#Belgaum #Belgavkar #ChildDevelopment #WomenEmpowerment #InfrastructureDevelopment #CommunityBuilding #GovernmentInitiative #SocialWelfare #ChildCare #EducationForAll #LocalDevelopment #WomenAndChildWelfare #BelgaumNews #MinisterLaxmiHebbalkar #GroundbreakingCeremony #InvestmentInFuture #ChildrensCenter #UrbanDevelopment #BelgaumDistrict #EmpoweringCommunities

Belgaum Child Development
Belgaum Child Development

Belgaum Child Development